Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanov Rusiyeniñ mayısnıñ 29-nda Ukrayınağa qarşı endirgen darbesini izaatladı.
«Rusiye Federatsiyasında Ukrayınanı qorquza bilecegine inanğan ya da arzu etken er keske şunı aytmağa isteyim – olmaycaq: er kes iş yerinde qala ve işini yapmağa devam ete», – dep bildire Budanovnıñ aytqanlarını matbuat hızmeti.
«Bir faydası olur dep, bizni qorquzmağa tırışqan er kes, peşman olacaqsıñız. Cevabımıznı çoq beklemege kerekmey. Bekleñiz, tezden er kes körer», – dep qoştı istihbarat yolbaşçısı.
Cevap nasıl olacaq – Budanov aytmadı.
Mayısnıñ 29-nda kündüz Rusiye Kyivge raketa ücümini kerçekleştirdi. Arbiylerniñ aytqanına köre, Rusiye şimaliy yönelişten uçurğan 11 «İskander» raketası yoq etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
