Rusiye Ukrayına infrastrukturasına qarşı bıltır qışta yapqanı kibi kampaniyanı tekrarlamağa tırışsa, cevap alacaq. Bu aqta Ukrayına Mudafaa nazirliginiñ Baş istihbarat idaresiniñ reberi Kırılo Budanov bildirdi.
«Başlasınlar. Cevap alacaqlar», – dep qayd etti o.
Ukrayına istihbaratınıñ yolbaşçısı Rusiye iqtisadiyatı yek 2025 senesine qadar dayanır, silâ ise 2026 senesi ya da daa erte biter, dep tüşüne. The Economist «onıñ aytqanlarını isbatlağan deliller aynı degil», dep qayd ete.
2022 senesi oktâbr ayında Rusiye raketa darbeleri kampaniyasını başlattı. Onıñ nişanı Ukrayına energetik infrastrukturası edi. Bunıñ neticesinde elektrikler kesilgen edi, amma bütünley elektriksiz Rusiye quvetleri qaldırıp olamadı. Mart-aprel aylarında Ukrayınada elektrik teminlevi kütleviy söndürüvlerge yol bermemek içün yañıdan başlatıldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
