Ukrayına Mudafaa nazirligi Baş istihbarat idaresiniñ reberi Kırılo Budanov «Baş istihbarat idaresi. Deñiz uruşı. Bütün yollar Qırımğa kete» vesiqalı filminde Qırımda desant tüşürilecek Ukrayına Mudafaa nazirligi Baş istihbarat idaresiniñ yañı operatsiyalarını ilân etti.
Film müellifleriniñ suallerine cevap bergen Budanov tasdıq cevabını berdi.
«E, azırlana. Ve olacaq. Tezden sıcaq olacaq ve devam etermiz. Qırım keri qaytacaq», – dedi Budanov.
Bundan evel «Deñiz cenki: Dniprodan Qırımğa qadar» vesiqalı filminde Budanov Qara deñizde Ukrayına diversion reydleri işğal etilgen Qırımda «ciddiy tedbirlerge» azırlıq ola, dep bildirdi. Onıñ aytqanına köre, Qara deñizde Ukrayına quvetleriniñ tedbirleri – «anda ketüv ve çekilüv yollarınıñ doğrulıq» teşkerüvidir.
Budanovnıñ aytqanına köre, Qara deñizde Ukrayına Silâlı quvetleriniñ muvafaqiyetleri 10 yıldan berli işğalde yaşağan yarımada sakinleri içün «güzel bir işaret» ola. «Bir çoq insan olarnı unutqanlar, dep tüşüne», – dedi Baş istihbarat idaresiniñ yolbaşçısı.
Fevral ayında Ukrayına Mudafaa nazirligi Baş istihbarat idaresiniñ yolbaşçısı Kırılo Budanov Qırımda işğalci küçler içün «yañı sürprizlerni» ilân etip, vatandaşlarğa Keriç köpründen ketmemege tevsiye etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
