Onıñ qayd etkenine köre, Ukrayina quvetleriniñ Qara deñizdeki ameliyatları - bu, anda kiriş ve çıqış yolları aqqında iddialarnıñ doğruluğını teşkerüvdir.
Budanov, Qara deñizde Ukrayina Silâlı quvetleriniñ muvafaqiyetleri, endi 10 yıl devamında işğal altında yaşağan yarımada sakinleri içün "yahşı bir haber" ola, dep ayttı. "Bir çoq insan olarnı unutqanlarına inana", - dedi GUR yolbaşçısı.
Martnıñ 5-nde ukrayin istihbaratı Keriç civarında Rusiye gemisiniñ yoq etilgeni aqqında bildirdi. Ukrayina Mudafaa nazirliginiñ Baş istihbarat idaresi martnıñ 6-nda bildirdi ki, ukrayinlerniñ Rusiye gemisine ücüm etmesi neticesinde eñ azından 27 Rusiye askeri yaralandı, yedi kişi elâk oldı. Rusiye akimiyeti geminiñ ğayıp oluvını şimdilik izaatlamadı.
Ukrayina Silâlı quvetleriniñ Baş ştabınıñ malümatına köre, martnıñ 10-na qadar Rusiye tam miqyaslı istilâdan berli 26 gemi ve katerini ğayıp etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
