Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov Qırım.Aqiqatqa intervyü berir eken yarımadanıñ ola bilecek azat etilmesi munasebetinen qırımlılarğa muracaat etti.
"Birinciden, evge qatma anini yaqınlaştırmaq içün elimizden kelgenini yapmalımız. Bunda qorqmaq kerekmey. 9 yıl devamında Rusiyeniñ anda aytıp bergen masallarınıñ kerçeklik ile iç bir alâqası yoq", - dep qayd etti o.
Aynı zamanda Budanov, "deşetli şeyler yapqan" adamlar yarımadadan ketseler, daa yahşı olur, çünki munasebet olarğa qanunğa köre olacaq.
"Elbette, olarnı anda birisi öldürecegi yoq. Özüñiz de bunı añlaysız. Beklegenler ise azırlansınlar ve bizge yardım etmek içün elinden kelgenini yapsınlar", - dep ayttı Budanov.
Ukrayina prezidentiniñ Qırım MC daimiy temsilcisi Tamila Taşeva "Qırımnıñ işğalden azat etilmesinde soñ Ukrayinanıñ esas vazifelerinden biri yarımadanıñ Rusiye tarafından işğal etilmesine yardım etkenlerniñ tapılması ve mesülietke çekilmesi olacaq" dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
