Aprelniñ ilk künleri Kyiv vilâyetiniñ büyük şeerleri azat etilgen soñ bir çoq jurnalist anda kirip oldı.
Reuters, AFP agentlikleri ve diger media yapqan fotoresimlerde elâk olğan vatandaşlarnıñ cesedleri bar. Ukraina paytahtı civarında ealisi büyük olğan bir şeer olğan Buçanıñ soqaqları ceset tolu.
Buçada 280 insan toplu mezarda defin etildi, dep bildirdi Buçanıñ şeer yolbaşçısı Anatoliy Fedoruk AFPge. Rusiye zapt etken topraqlarda cenk cinayetleri aqqında Human Rights Watch aq qorçalayıcı teşkilâtı bildirdi: olarnıñ arasında martnıñ başında Buçada qurşunğa tizilgen vatandaşlar bar edi.
Ukraina prezidenti ofisiniñ yolbaşçı muavini Mıhaylo Podolâk da elâk olğanlarnıñ fotoresimlerini aydınlatıp, bunı Avropağa qatqan ve Rusiye tarafından yapılğan «eñ qorqunç natsizm cinayetleri» dep adlandırdı. Moskva buña resmiy şekilde şimdilik cevap bermedi.
Ukraina şeerlerine toqtamağan raketa darbeleri ve Ukrainanıñ şimali, cenübi ve şarqında zapt etilgen meskün yerlerine baqmadan, Rusiye akimiyeti onıñ maqsadı arbiy infrastrukturanıñ yoq etilüvi ve «Donbasnıñ azat etilüvi» ola, dep bildire.
Rusiye Federatsiyası Ukrainağa ücüm etkeninden berli 10 million ukrainalı evlerini terk etmege mecbur oldı. Birleşken Milletler, fevralniñ 24-nden martnıñ 31-ne qadar 1276 vatandaşnıñ öldürilüvini qayd etti. Bu malümat tam degildir.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
Facebook Forum