Qırımda iyülniñ 9, 10 ve 11-nde küçlü, boranlı yağmur ve burçaq beklenile. Bunı Qırımdaki Rusiye Fevqılâda vaziyetler hızmetiniñ matbuat hızmeti haber etti.
"İyülniñ 9-nda kündüz ve iyülniñ 10-11 devamında Qırımda az vaqıt yağğan yağmarlar beklenile, bazı yerlerde küçlü, boranlı yağmur yağacaq, yelniñ atılması saniyede 20-25 metr, kündüz burçaq", - dep haber etile.
Böyle vaziyette yollarda, mesken-kommunal hocalıqta qazalar ola bile.
Qurtarıcılar deñizge barmamağa tevsiye eteler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
