Link açıqlığı

Saatnıñ esas haberi

“Bu mustaqil jurnalistikağa qarşı dava”. Qırımda Memedeminov davası boyunca birinci diñlev belgilendi


Nariman Memedeminov Qırım mahkemesiniñ oturışından soñ, arhiv süreti
Nariman Memedeminov Qırım mahkemesiniñ oturışından soñ, arhiv süreti

Rostov-na-Donuda Şimaliy Kavkaz bölgesiniñ arbiy mahkemesinde mayıs 29-da terrorcılıqta qabaatlanğan qırımtatar cemaat jurnalisti, bloger Nariman Memedeminov davası boyunca birinci mahkeme diñlevi tayinlendi. Mahkeme oturışı qapalı şekilde ve Aqmescit SİZOsından videobağ ile keçirilecek, dep aytıp berdi Qırım.Aqiqatqa advokat Edem Semedlâyev.

“Nariman alâ daa Aqmescit SİZOsında, andan qapalı şekilde ve videobağ ile birinci mahkeme oturışı keçirilecek. Bundan soñ Narimannı Rostov-na-Donu şeerine etap etecekler, anda ise diñlevler keçirilecek”, - dep aytıp berdi advokat.

Semedlâyev qayd etti ki, Memedeminovğa qarşı cinaiy davanı siyasiy sebepli kibi qabul eteler.

“Bu - Qırımda aman-aman yoq olıp ketken mustaqil jurnalistikağa qarşı dava. O şimdi cemaat jurnalistlerniñ boynundadır, Nariman da, türmege oturtılmağance, olardan edi”, - dey advokat.

Kreml kontrolindeki Qırım Yuqarı mahkemesi mayısnıñ 7-nde apiske alınğan cemaat jurnalisti, faal Nariman Memedeminovnıñ sıñırlav tedbirini uzattı.

2018 senesi martnıñ 22-nde Bağçasaray rayonında Rusiye telükesizlik hadimleri ve uquq qoruyıcıları Nariman Memedeminovnıñ evini tinttiler. Ondan soñ faaliyetçi Aqmescitteki Rusiye FSBsi idaresine alıp ketildi. Martnıñ 23-nde mahkeme Memedeminovnı tevqif etti.

Memedeminovnı Rusiye CK-nıñ 205 maddesiniñ 2-nci qısmına ait olğan cinayette (İnternet vastasınen terrosistik areketlerge açıq çağıruvlar) qabaatlaylar.

Martnıñ 23-nde QMC prokuraturası, Ukraina Cinaiy kodeksiniñ 146-ncı maddesiniñ 2-nci qısmı (insannı qanunsız olaraq azatlıqtan marum etüv ya da alıp qaçuv) ve 162-nci maddesiniñ 2-nci qısmında (mesken toqunılmazlığınıñ bozuluvı) qayd etilgen cinaiy qanun bozuluvlarınıñ alâmetleri boyunca malümatnı Mahkemeden eveldki tahqiqatlarnıñ umumiy cedveline kirsetti.

Ukraina Milliy jurnalistler birligi (UMJB) Qırımda Memedeminovnıñ tevqif etilmesine «fikir serbestligi ve, cümleden İnternet ağı vastasınen, informatsiyanı serbest almaq ve darqatmaq aqqınıñ bozuluvı» dedi.

XS
SM
MD
LG