Putinni körsem aytarım: niayet, topraqlarnı qaytardıñız – Zelenskıy (video)

Ukraina prezidenti namzeti Volodımır Zelenskıy bazar künü, martnıñ 31-nde, prezident olıp, Rusiye prezidenti Vladimir Putinnen körüşse, Qırım ilhaqı ve Ukraina şarqındaki zıddiyet içün maddiy ivaz bermesini talap etecek, dep bildirdi. Aprelniñ 1-nde saat 12:00-da Ukraina Merkeziy saylav komissiyası martnıñ 31-nde Ukrainadak keçirilgen prezident saylavlarındaki protokollarnıñ 71,27%-nı teşkerdi. MSK malümatına köre, Volodımır Zelenskıy birinci yerde qala – reylerniñ 30,46%-ı, ekinci yerde – Petro Poroşenko, o, reylerniñ 16,16%-nı qazandı. Soñra Yuliya Tımoşenko – 13,15%, Yuriy Boyko – 11,54%, Anatoliy Ğrıtsenko – 7,05%. (Reuters videosı)