Azatlıq Radiosınıñ saytı blok etilgen territoriyalar içün bağlantı
Rusiyeniñ Avropa Şurasındaki daimiy temsilcisi, elçi İvan Soltanovskiy, Avropa Şurası Nazirler kömitetiniñ işğal etilgen Qırımda insan aqları vaziyeti ile bağlı qararı «halqra munasebetlerniñ esas printsiperine ve teşkilâtnıñ nizamnamesine zıt kele», dep saya. Bunı o, TASS malümat agentligine bildirdi.
Elçiniñ fikrince, böyle bir qarar «Rusiyeniñ içki işlerine kirişüvdir, topraq bütünligine şübe yarata».
Qararnıñ metini ise, «Kyivniñ propaganda ile tolu beyanatlarına esaslanğan».
«Bu vesiqada Ukraina ve ğarbiy memleketler tarafından Qırım sakinleriniñ esas insan aqlarınıñ bozulması gizlidir», – dedi o.
Diger Rusiye diplomatları kibi o da, Ğarpnı Qırımnıñ «suv blokadasına» dair kollektiv reaktsiyası olmağanını takbih etti.
Soltanovskiy, Rusiyeniñ Avropa Şurasınıñ organlarına defalarca Rusiye ile alâqalı mandatları çerçivesinde monitoring missiyaları ile Qırımğa ziyaret içün davetnameler yollanğanını ayttı, amma «olarnıñ episi körmemezlikke uruldı».
«Ukraina qanunlarına bağlantılar ile qabul etilgen qarar Avropa Şurası delegatsiyalarınıñ Qırımğa yolculıqlarını imkânsız alğa ketire. Bu qararnı uquq ceetinden qanunsız sayamız. Bunıñ içün AŞNK Almaniyanıñ reisligi mesül», – dep qoştı o.
1/8Noyabrniñ 3, Aqmescit. Qırımda Rusiye polisiniñ hadimleri «Qırım birdemligi» ve «Grani-ru» internet neşriniñ mühbirlerini yaqalay.
Vilen Temeryanov (ortada), Ablâmit Ziyadinov ve faal Ernest Bekirov Qırman «Hizb ut-Tahrir davası» boyunca mahkeme keçirilgende Aqmescitte mahkeme binası yanında ediler. Olar mabüslerge üküm çıqarılmasını közete ediler, amma Rusiye quvetçileri olarnı «Kütleviy tedbir iştirakçisi tarafından toplaşuv, miting, numayış, yürüş ya da piket keçirüv nizamını bozuv» maddesine binaen qabaatladılar.
Dekabrniñ 28-nde saba Rusiye polisiniñ hadimleri cemaat jurnalisti Vilen Temeryanovnı "mecburen iş maşinağa oturtıp evden alıp ketken ediler.
Bir sıra halqara vesiqa insanlarğa er yerde ve maniasız malümat toplamaq, bermek ve yayınlamaq aqqını temin ete
Azatlıq Radiosınıñ saytı blok etilgen territoriyalar içün bağlantı
3/8Oktâbrniñ 31. Rusiye polisi Qırmandaki «Hizb ut-Tahrir davasınıñ» mabüsi Rustem Emiruseinovnıñ anası Zure Emiruseinovadan «Oğlum – terrorcı degil» degen yazuvlı şiarını tutıp ala ve oña qarşı protokol tize.
Umumdünya İnsan aqları beyannamesi ve bir sıra diger halqara vesiqa tınç itiraz maqsadınen beraberlikte er kesniñ serbest toplaşmaq aqqını kefalet ete.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını «terrorist» birleşme cedveline kirsetip, onı yasaq etti
O zaman Rusiye FSB-si sekiz insannıñ evini tintti: Aleksandr Sizikov, Alim Sufyanov, Seyran Hayretdinov, Emil Ziyadinov, İsmet İbragimov, Vadim Bektemirov, Zekirya Muratov ve Dilâver Memetov. Soñkisinden ğayrı er kes tevqif etildi. FSB, bu insanlar «Qırım sakinleri arasında terror mefküresini yayıp, qırımlı musulmanlarnı öz saflarına celp etti», dep bildire.
2020 senesi İnsan aqları künü COVID-19 pandemiyası vaqtında bu aqlarğa riayet olunmasına bağışlandı. Oktâbr ayında bu davanıñ iştirakçilerini psihiatrik ekspertizasını keçmege mecbur ettiler. Müessisede bulunğan zaman koronavirusnen kütleviy bir yuqma qayd etildi
Azatlıq Radiosınıñ saytı blok etilgen territoriyalar içün bağlantı
5/8Oktâbrniñ 1, Yalta. Qırımdaki mektep talebeleri «Nesillerniñ hatıra vahtası» aktsiyada iştirak ete. Olar rus arbiy urbasına kiyingen ve qollarında da silâ bar. Qırım.Aqiqat mühbiriniñ haber etkenine köre, iştirakçilerden biri aktsiya vaqtında esini coyğan. Tedbir vaqtında balalar «Ebediy ateşniñ» «fahriy qaravulı» vazifesine qoyula edi.
Uquq qoruyıcılar bun Qırımda tasilniñ arbiyleştirilüvi kibi sayalar. Olar buña halqara gumanitar uquqnıñ bozuvı deyler
Advokat Nikolay Polozovnıñ bildirgenine köre, Rusiye quvetçileriniñ areketlerinde halqara añlaşma ve şartnamelerniñ bir sıra bozuluvı bar, Umumiy insan aqları beyannamesiniñ 13-ünci maddesi, Avropa insan aqları ve esas serbestliklerni qoruv beyannamesiniñ 14-ünci maddesi ya da er çeşit ırqiy ayırım şekillerini yoq etüv Halqara şartnamesi bozula
Azatlıq Radiosınıñ saytı blok etilgen territoriyalar içün bağlantı
Previous slide
Next slide
Mayısnıñ 11-nde Avropa Şurası Nazirler Komiteti «Qırım MC ve Aqyar şeerinde insan aqları vaziyeti» qararnı qabul etti.
Aprel ayında Ukraina TİN birinci muavini Emine Ceppar Avropa Şurası Nazirler komitetine Ukrainanıñ teşebbüsi liye teşkilâtnıñ Qırımda insan aqları bozuvları ile bağlı vaziyetniñ monitoringine dair işniñ faalleştirilüvi aqqında qarar leyhasını taqdim etti.
Aprelniñ 7-nde, çarşenbe künü, Kyivde ukrain uquq qoruyıcı teşkilâtlarnıñ temsilcileri Avropa Şurası insan aqları komissarı Dunâ Miyatoviç ile körüşüv vaqtında işğal etilgen Qırımdaki bozuvlar ve taqipler aqqında aytıp berdiler.
Qırımnıñ Rusiye tarafından işğal etilüvi
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
