Bu gece Rusiye Ukrayinağa 16 raketa ile ücüm etti, dep bildirdiler Ukrayina Ava quvetlerinde.
Böylece Rusiye ordusı on dört H-101/555 ve eki "Kalibr" raketasını atqan. Olardan 10-u Ukrayina ava ücüminden mudafaa quvetleri tarafından urıp tüşürilgen.
Bundan ğayrı, Rusiye işğalcileri Krıvıy Riğge raketa darbesini endirgen ve beş qatlı mesken binağa ve diger grajdanlıq inşaatlarına urğan. Bunıñ neticesinde 3 kişi elâk olğan ve daa 25 yaralanğan. Dağıntılar tübünde de adamlar bar. Bunı Dnipropetrovks vilâyetiniñ arbiy memuriyetiniñ yolbaşçısı Sergiy Lısak haber etti.
Mayıs ayı devamında Rusiye arbiyleri Kıyivge deyerlik 20 ücüm etken edi. Ücüm vaqtında raketalar, pilotsız uçaqlar qullanğan edi. Ukrayina ava ücüminden mudafaa quvetleri duşman obyektleriniñ yüzde 90-nı urıp tüşürgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
