"Bu mülknen menim iç bir alâqam yoq, ana-babamnıñ mülküdir, olar yigirmi yıldan ziyade quruldı. Er bir tola ağır emeknen qazanıldı. Menim halqara qıdıruvğa ilân etilgenime ana-babamnıñ buña ne alâqası bar? Men susmaycam, bu kesin. Susıp qalsam, rusiyeliler başqa qırımtatarlarğa, işğal etilgen topraqlardaki bütün ukrayinlerge kelip, bundan soñ da zorbalıq yapacaqlar", — dep bildirdi yırcı.
Jamalanıñ aytqanına köre, bunıñ kibi qararlar Rusiye akimiyeti tarafından ilhaq etilgen Qırımnıñ öz başına idare etilüvini daa bir kere köstere.
Bundan evel Rusiye kontrolindeki Qırım parlamentiniñ reisi Vladimir Konstantinov Ukrayina sabıq baş naziri Arseniy Yatsenük, yırcı Jamalanıñ ve onıñ soy-soplarınıñ mülkiyetiniñ "milliyleştirilüvi" aqqında bildirdi.
Ukrayina prezidentiniñ Qırım Muhtar Cumhuriyetindeki vekâletlisi Tamila Taşeva, Ukrayina insan ya da devlet aqlarını bozğan areketlerni tanımağa niyeti yoq, dep bildirdi. Bular arasında "milliyleştirüv" ya da mülkniñ musadere etilmesi, mirasnıñ belgilenmesi ile bağlı qararlar bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
