Büyük Britaniya ve Şimali İrlandiya Birleşken Qırallığı Avropa Birliginden çıqtı. Bu Brusselde saat 00:00 oldı, bildire Azatlıq Radiosı.
Endi Büyük Britaniya 2020 senesiniñ soñunace sürecek keçüv devrine keçti. Bu vaqıt devamında London Avropa Birliginen iqtisadiy işbirlik ve telükesizlik siyasetini muzakere etecek.
Büyük Britaniya, 47 yıllıq azalığından soñ 27 iştirakçi memleketniñ blokunı taşlap ketken, AB-nden çıqqan ilk ülke oldı.
Yılnıñ soñuna qadar Büyük Britaniya Avropa Birliginiñ qaidelerine uyacaq, amma Avropa institutlarında onıñ vekilleri olmaycaq.
Daa evel Büyük Britanuya qıraliçesi II Elizabeth, ülkeniñ Avropa Birliginden çıqışı aqqında devlet parlamenti qabul etken vesiqanı imzaladı. Bundan soñ vesiqa qanun olıp sayılıp başladı.
2016 yılnıñ iyün 23-ünde Britaniya sekinleriniñ 51,9%-ı Brexitke qol tuttı, oña qarşı ise 48,11% çıqtı.
