Yalta şeer şurası Yalta yolbaşçısınıñ birinci muavini vazifesinden Aleksandr Olefirni boşatıp, onıñ yerine Sergey Braykonı tayinledi. Böyle bir qarar Yalta şeer şurasınıñ bugünki toplaşuvında qabul etildi.
Bunı öz başına ilân etilgen «Qırım akimiyetiniñ» ruporı olğan «Krıminform» agentligi bildire.
Olefir «taraflar añlaşmasına köre» işten boşatıldı eken.
Rey berüvden evel çıqışta bulunğan Sergey Brayko şeerde Qırımnıñ devlet mensüpligi deñişkeninen bağlı büyük deñişmeler olacağını bildirdi.
«Bizler yaqın yarım yıl içinde masraflarnı ödemege imkân berecek derecege qadar yetmek kerekmiz. Yalta ise Rusiyeniñ eñ yahşı yaz kurortlarından biri olmaq kerek», – dedi o.
Bundan soñra zalda olğan Yalta şeer şurasınıñ 37 deputatı Braykonı yolbaşçınıñ birinci muavini olaraq sayladı.
2002-2010 seneleri Sergey Brayko Yalta şeer yolbaşçısı olğan edi. 2011-2012 seneleri Brayko Qırımnıñ regional inkişaf ve qurucılıq Nazirliginde yolbaşçılıq etti. 2012 senesi Yalta ve Aluşta regionlarını qaplap alğan 7-nci saylav bölgesinde Brayko Ukraina halq deputatı olaraq saylandı.
2014 senesi martnıñ 25-de Brayko halq deputatı mandatından vazgeçüv aqqında ariza yazdı.
Al-azırda Yalta şeer şurasınıñ vazifelerini Sergey Karnauh eda ete, çünki Sergey İlaş fevralniñ 24-de istifağa çıqtı.
Bunı öz başına ilân etilgen «Qırım akimiyetiniñ» ruporı olğan «Krıminform» agentligi bildire.
Olefir «taraflar añlaşmasına köre» işten boşatıldı eken.
Rey berüvden evel çıqışta bulunğan Sergey Brayko şeerde Qırımnıñ devlet mensüpligi deñişkeninen bağlı büyük deñişmeler olacağını bildirdi.
«Bizler yaqın yarım yıl içinde masraflarnı ödemege imkân berecek derecege qadar yetmek kerekmiz. Yalta ise Rusiyeniñ eñ yahşı yaz kurortlarından biri olmaq kerek», – dedi o.
Bundan soñra zalda olğan Yalta şeer şurasınıñ 37 deputatı Braykonı yolbaşçınıñ birinci muavini olaraq sayladı.
2002-2010 seneleri Sergey Brayko Yalta şeer yolbaşçısı olğan edi. 2011-2012 seneleri Brayko Qırımnıñ regional inkişaf ve qurucılıq Nazirliginde yolbaşçılıq etti. 2012 senesi Yalta ve Aluşta regionlarını qaplap alğan 7-nci saylav bölgesinde Brayko Ukraina halq deputatı olaraq saylandı.
2014 senesi martnıñ 25-de Brayko halq deputatı mandatından vazgeçüv aqqında ariza yazdı.
Al-azırda Yalta şeer şurasınıñ vazifelerini Sergey Karnauh eda ete, çünki Sergey İlaş fevralniñ 24-de istifağa çıqtı.
