Odesa vilâyetiniñ arbiy memuriyetine bağlı cemaat şurasınıñ yolbaşçısı Sergiy Brataçuk Herson vilâyeti ile Qırımnıñ memuriy sıñırındaki Çonğar köprüne ücümni izaatladı.
Ukrayina televizion marafonınıñ yayınında o Rusiye haber vastalarına "Qırımnıñ işğalden azat etilmesini yaqınlaştıruv" içün "teşekkür etti".
"Ukrayina Silâlı Quvetleri vaqtınca işğal etilgen Qırımda bugün ordumıznıñ ateşi altında qalmaycaq bölge yoq. Neçündir bunıñ aqqında pek az aytıla, men ise buña alâqası olğan er keske teşekkür etmek isteyim: bular Rusiye arbiy jurnalistleri, Rusiye propagandistleri ve yerli sakinler. Çünki olar eki köpürniñ de nasıl etip urulğanını tafsilâtlı kösterdiler. Bularnı qullana bilemiz. Sağ olsunlar! Olarda Qırımnıñ işğalden azat etilüvini yaqınlaştıralar", - dep bildirdi o.
Darbeler avgustnıñ 6-nda Rusiye ordusını temin etken eki esas avtomobil köprüne endirildi.
Ekspertlerniñ fikrince, Ukrayina Silâlı Quvetleri Hersondaki qarşı ücüm vaqtında olghanı kibi Ukrayinanıñ cenübinde Rusiye ordusını kesmege ve olarnıñ logistikasını bozmağa tırışa.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
