Keçken gece pilotsız uçaq Brânsk vilâyetindeki "Drujba" neft zavodına ücüm etmege tırışqan. Bunıñ aqqında bölgeniñ valisi Aleksandr Bogomoz haber etti.
Onıñ bildirgeni kibi, Rusiye avadan ücümge qarşı mudafaa sisteması Ukrayina Silâlı Quvetleriniñ "Drujba" neft zavodına ücümini def etken.
Mash telegram kanalınıñ malümatına köre, gece "Drujba" neft zavodı yanında Novozıbkov şeeriniñ civarında bir qaç patlav sesi eşitilgen.
Rusiyeniñ Ukrayinağa büyük cenki başlanğan soñ dronlar defalarca Rusiye obyektlerine ücüm etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
