Keçken yılnıñ küzünde Qırım matbuatında Qırımdaki meşur Massandra sarayını büyük restavratsiya beklegeni aqqında malümat peyda oldı. Alupka saray ve park müzey-qoruğınıñ müdiri Aleksandr Balinçenkonıñ sözlerine köre, binanı tışarından yaraştırğan 28 tarihiy eykelni tamir etmek ve saraynıñ içerisinde ve tışarısında restvaratsiya işleri planlaştırıla edi. Aynı zamanda onıñ qayd etkeni kibi, tehnikiy esaslandırılma, ekspertizalar keçirilmesi ve para berilmesi meselesiniñ al etilmesi eñ az eki-üç yıl çekecek.
“Keçken sene baarde mında ekspertler kelgen ediler, yürdiler, baqtılar vesselâm. Seber paradadır” - aytıp berdi Qırım.Aqiqatqa saray qılavuzlarından biri.
Bugünde ise saray yıqılmağa devam ete.
