Bosna cenki vaqtında Bosnanıñ şimaliy-ğarbindeki Klüçte arbiy esirler lagerinde bulunğan insanlarnıñ menfaatlarını temsil etken teşkilât Bosna ve Hersek Tış işler nazirliginden Rusiyege Bosnada cenk cinayetleri sebebinden qıdırılğan yugoslav ordusınıñ sabıq zabitine vatandaşlıq berilüvine qarşı narazılıq mektübini yollamağa talap ete.
Ratko Samats yanvarniñ 9-nda Rusiye prezidenti Vladimir Putin imzalağan buyruqqa köre Rusiye vatandaşlığını alğan 44 çetel vatandaşından biri edi.
«Bu masqaralıq, ve Rusiyege diplomatik nota yollamaq kerek, – dep ayttı yanvarniñ 10-nda teşkilât vekili Mehmed Begiç RFE/RL izaatında. – Rusiye kimge ve ne içün vatandaşlıq berdi, dep soraymız – cenkte qabaatsız insanlarnı öldürgeni içünmi?».
Samats 1999 senesinden berli Rusiyede yaşay, dep bildire Rusiye kütleviy haber vastaları. 2015 ve 2018 seneleriniñ muracaatlarına baqmadan, Rusiye onı Saraybosnağa teslim etmege razı olmadı. Moskva Samatsnıñ yaramay sağlıq vaziyetine esaslanıp, bu muracaatlarnı red etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
