"Ukrayina muqavemetine kelgende, ukrayin halqı ve ordusı endi bir qaç yıldır hafifke alına. İstihbarat ceetinden tüşüncelerim ve közetmelerime köre, barışıq içün maqbul olğan şaraitler olmasa, eminim ki, boş elnen cenkleşecekler", — dep ayttı o.
TsRU müdiri, Rusiye ordusınıñ uruş meydanında üstünligi bar olğanını ve yavaş-yavaş ileri ketkenini de qayd etti.
Bu aftanıñ başında Amerika senatorlarınıñ eki taraflı gruppası, Tramp memuriyetini, bu paralardan elde etilgen faizlerni berüv yerine, 300 milliard dollar miqdarında Rusiyeniñ buzlatılğan aktivlerini Ukrayinağa bermege çağırdı. Devlet kâtibi Marko Rubioğa yollanılğan mektüpte senatorlar Moskvağa nisbeten sert bir siyasetniñ kerekligini qayd etip, buzlatılğan aktivlerni muzakerelerde qol tutuv içün qullanmaqnı tevsiye ettiler.
Mektüpni cumhuriyetçiler Todd Yang ve Lindsi Grem, demokratlar Riçrd Blümental ve Tim Keyn imzaladılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
