Link açıqlığı

Saatnıñ esas haberi

Borodânskıy ATRniñ vaziyeti aqqında: akimiyet meseleni çezmege tırışa


Ukraina medeniyet, gençlik ve sport naziri Volodımır Borodânskıy ATR qırımtatar telekanalını qapatuv telükesi bar olğanını inkâr ete. Bu aqta o, fevralniñ 11-nde jurnalistlerge bildirdi.

Onıñ aytqanına köre, telekanal çalışa, şu sebepten «qapanmaq üzere olğanını aytmağa kerekmey». Borodânskıynıñ aytqanına köre, 2020 senesi ATR içün 50 mln ğrn belgilendi, nazirlik 8,4 mln ğrn tahsis etti.

«Şimdi bir çezim qıdıramız. Devlet qazna idaresi bunı yapmadı, çünki ATR ve qazna dairesi arasında devlet satın aluvları qanunında bazı terslikler qayd etildi», – dep bildire Borodânskıynıñ aytqanlarını «Ukrinform».

Bazarertesi künü, fevralniñ 10-nda, ATR qırımtatar telekanalı esapları blok etildi, dep bildirdi. Şu sebepten telekanal alıp barıcı ve musafirler olmağan yayınlarnen #SaveATR marafonını başlattı.

Daa evel sermiyası yetmegeni içün ATR telekanalı para toplap başladı.

ATR Ukrainadan sürgün etilgen qırımtatarlar ve diger millet insanlarını yerleştirüv bücet programmasına köre 2016 senesinden berli devlet bücetinden maddiy yardım ala.

2015 senesi aprelniñ 1-nde ATR Rusiye litsenziyasını alamayıp, işğal etilgen Qırımda yayınlarını toqtattı. Yayınlar 2015 senesi iyünniñ 17-nde yañıdan başladı – telekanal Kyivge köçti.

XS
SM
MD
LG