Büyük Britaniya baş naziri Boris Johnson Ukrayinanıñ Mustaqillik kününde Kıyivge keldi. Bunıñ aqqında o Twitterde yazdı.
"Ukrayinada yüz bergen vaqialar bizim epimiz içün müimdir. Şunıñ içün men men bugün Kıyivde. Şunıñ içün Büyük Britaniya bizim ukrayin dostlarımıznı desteklemege devam etecek. Ukrayina bu cenkni qazanacağına inanam", - dep yazdı Johnson.
Rusiye Ukrayinağa büyük istilânı başlanğandan berli bu Boris Johnsonnıñ Ukrayinağa artıq üçünci kere kelmesi.
Avgustnıñ 24-nde Ukrayina Mustaqillik kününi qayd ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
