Londrada Büyük Britaniya baş naziri Boris Johnson Downing street, 10 bulunğan barğağında Büyük Britaniyaniyanıñ Avropa Birliginden çıqması aqqında añlaşmanı imzaladı. O, adisege yanvar 31-inde AB-nden çıqışqa yol açqan "fantastik an" dedi.
Conson, çoq yıl devamında olğan dava ve zıtlaşuvlarnıñ soñuna yetecegine ümüt ete, bildire Azatlıq Radiosı.
Daa evel Avropa Birligi devletleriniñ başları Brusselde aynı vesiqanı imzaladı, ondan soñ onı Londrağa alıp kettiler.
İmza qoyuvı vesiqanıñ tasdıqlavı esnasında daa bir adımdır. Daa evel bu afta Britanuya parlamenti añlaşma metnini tasdıqladı. Avropa Birligi Brexit aqqında rey berüvni yanvarniñ 29-ında keçirecek.
Daa eve Büyük Britanuya qıraliçesi II Elizabeth, ülkeniñ Avropa Birliginden çıqışı aqqında devlet parlamenti qabul etken vesiqanı imzaladı. Bundan soñ vesiqa qanun olıp sayılıp başladı. Oña köre, Büyük Britaniya yanvarniñ 31-inde Londra vaqtınen 23:00 Avropa Birliginden çıqacaq.
Yanvarniñ 31-inden soñ, 2020 senesiniñ soñunace sürecek keçüv devri başlanacaq. Bu vaqıt devamında Büyük Britaniya Avropa Birliginiñ qaidelerine uyacaq, amma Avropa institutlarında onıñ vekilleri olmaycaq.
