Link açıqlığı

Saatnıñ esas haberi

Boş qalğan Bağçasaray: qapalı camiler ve soqaqlardaki sessizlik (fotoresimler)

Efsaneviy Bağçasaray şeeri bütün dünyadan turistlerni er mevsimde celp ete. Seyaatçılar Qırım mücizelerinden biri olğan Qırım hanlarınıñ eski rezidentsiyası Han sarayını körmek içün mında kelmege tırışqan edi. Saraydan soñ turistler pravoslav Uspenskiy qale manastırına, soñra, küçleri yetse, Çufut Qalege çıqa ediler.

Bağçasaraynıñ sakinleri ve musafirleri şeerniñ eski soqaqlarını kezip, qoqulı qave içe bilecek etnik qavede oturmağa, suvlu çiberek ve diger qırımtatar aşlarınıñ tadına baqmağa seveler. Miniatüra parkı, cami, pravoslav ibadethaneleri, müzey ve diger yerlerni körmek içün insanlar bütün Qırımdan kele edi.

Amma COVID-19 pandemiyası sebebinden Bağçasaray boş qaldı. Soqaqlarda ne turist, ne de balaban çantalı seyaatçılar bar. Bala meydançıqlarında bala sesi eşitilmey. Yollarda ise az yaya ve maşina aydavcıları körüne.

Baar Bağçasarayı izolâtsiya rejiminde nasıl yaşay – Qırım.Aqiqat mühbiri qayd etti.


Facebook Forum

XS
SM
MD
LG