Link açıqlığı

Saatnıñ esas haberi

BMT, Ukrayınada Rusiye istilâsından elâk olğan 6 biñ barışıqsever insan aqqında malümatnı tasdıqladı


Rusiye işğalcilerinden azat etilgen Kupânsk şeeri, Harkiv vilâyeti

BMT insan aqları monitoring missiyası sentâbrniñ 25-ne qadar Rusiyeniñ Ukrayinağa qarşı cenki neticesinde 14 844 vatandaş elâk olğanını ve yaralanğanını teşkerip tasdıqladı.

Cenk areketleri neticesinde 5996 vatandaş elâk olğan, 8848 kişi yaralanğaan.

Bu BMT-nıñ fervlniñ 24-den sentâbrniñ 25-ne qadar olğan malümatı.

Teşkilât kerçek raqamlar bayağı yüksek, dep qayd ete, «çünki cenk areketleri devam etken bazı yerlerden malümat keç alına ve tasdıqlanması kerek olğan vatandaşlar ölgenine dair malümat kelgen yerler çoq». Çoqusı ölüm ve yaralavnıñ sebebi patlayıcı maddelerniñ qullanıluvı oldı, ağır top ve çoqlu ateş reaktiv sistemaları, raketa ve ava ücümleri de qayd etildi.

Berilgen malümatqa köre, elâk olğanlar arasında 382 bala, yaralanğanlar arasında ise 676.

Rusiye bir çoq delillerge baqmadan, silâsız adamlarnıñ öldürüvi ile bağlı er angi qabaatlavlarnı red ete.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinlerniñ tirenüvi sebebinden Kıyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG