Link açıqlığı

BMT Ukraina daimiy temsilcisi: Rusiye saylavlarğa keder etecek ola


BMT Ukraina daimiy temsilcisi Yuriy Sergeyev Rusiyeni mayıs 25 künü keçirilecek prezident saylavlarğa keder etkeninde qabaatlay. Ukraina diplomatı Moskvadan tariklreni toqtatmaq ve Jeneva añlaşmalarına riayet etmege talap ete.

«Biz halqara cemaatını memleketimizde havfsızılq ve fikirdeşlikniñ pekitilmesi ketişatına qıymet kesmege, Rusiye teşviqiy yalаnına qulaq asmamaq ve istilâcını toqtatmaq ve ukrain halqınıñ mayıs 25 künü rey berüv aqqını bozmaq içün imkân bermemege çağıramız», – dedi Sergeyev cuma künü New York BMT ştab-kvartirasında keçirilgen matbuat konferentsiya devamında.

Onıñ sözlerine köre, Rusiye «Ukrainada vaziyetni kerginleştirmege devam ete».
Ukraina diplomatı tüşüne ki, Rusiye tarafından prezident saylavları künü ukrain sıñırında keçirilgen arbiy talimler «Ukraina şarqında vaziyetni kerginleştirmek içün ve ukrain halqına zulum etmek içün devamlı ıntıluvıdır».

«Ukrainada vatandaşlıq cenki yoq. Ukrainliliyer arasında cenk yoq, tışqı kirişüv ve vaziyetniñ kerginlşetirilmesi içün Ukrainada terroristik taqımlarınıñ destegi bar. Ukrainlilerniñ şarqiy Ukrainada terroristlerge qarşı küreşidir», – dedi Sergeyev.

Onıñ sözlerine köre, Ukraina mayıs 15 kününiñ saylavlarından soñ Rusiye prezidenti aytıp keçken yañı ukrain organları ile işbirlikniñ amelge keçmesini bekley.

«Soñki ayları Ukraina ve Rusiye arasında olıp keçken munasebetlerden soñ biz sözlerge degil, areketlerge inanamız. Eger de Puin bunı açıq-aydın sürette aytsa, saylavlardan soñ areketlerni bekleymiz»,– dedi Sergeyev.

«Ukrainağa ve qomşumız ile munasebetimizge stabilligini ketirgen saylavlar bizge mıtlaqa kerekler», – dedi BMT Ukraina daimiy temsilcisi, dep haber ete Liga.net.
XS
SM
MD
LG