BMT İnsan aqları aliy komissarınıñ idaresi Rusiyeniñ büyük istilâsı neticesinde Ukrayinada 9369 arbiy olmağan adamnıñ ölümini ve 16634 kişiniñ yaralanmasını tasdıqladı. Bu teşkilâtnıñ 2022 senesi fevralniñ 24-den 2023 senesi iyülniñ 30-na qadar olğan malümatıdır.
Teşkilâtta, qurbalarnıñ kerçek sayısı daa çoq çoqtır, dep qayd eteler, çünki şiddetli arbiy areketler devam etken bazı yerlerden kelgen malümat keç qala ve bir çoq haberlerniñ tasdıqlanması kerek.
"Bu, misal olaraq, Mariupol (Donetsk vilâyeti), Lisiçansk, Popasna ve Severodonetsk (Lugansk vilâyeti) yaşayış noqtalarğa aittir, anda malümatqa köre, arbiy olmağan adamlarnıñ çoq sayılı ölümi ve yaralanması alları yüz berdi", - dep yazıla bildirmede.
BMT malümatına köre, iyülniñ 1-den 30-na qadar olar 143 adamnıñ ölümini ve 605 adamnıñ yaralanmasını tasdıklar olğanlar
İyülniñ ortasında Baş prokuror Andriy Kostin, 50-den çoq rusiye arbiyine Ukrayinada cinayetler etkeni içün üküm çıqarılğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
