Rusiyeniñ Ukrayinağa qarşı cenki sebebinden 1480 silâsız adam öldi, 2195 yaralandı. Bu malümatnı aprelniñ 4-nde BMT insan aqları Yuqarı komissarınıñ ofisi yayınladı.
"Silâsız adamlar arasında qayd etilgen ölümlerniñ ekseriyetine keñiş tesir saasına malik patlayıdıj silâlarınıñ qullanuvı sebep oldı", - dep yazıla bildirmede.
Aynı zamanda, BMT-da kerçek raqam daa çoq olğanını tüşüneler. Çünki arbiy areketler devam etken bir çoq yerden malümat keç kele. Bular Mariupol ve Volnovaha (Donetsk vilâyeti), İzüm (Harkiv vilâyeti), Popasna (Lugansk vilâyeti) ve Borodânka (Kıyiv vilâyeti).
Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Mesken rayonlarğa top, çoqlu ateş sistemaları ve ballistik raketalar vastasınen ateş açıla. Rusiye ordusınıñ zırhlı tehnikası Kyiv ve Rusiye sıñırına yaqın bir qaç vilâyet merkezini sarıp almağa tırışa.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net/. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
