Link açıqlığı

BMT havfsızlıq keñeşiniñ toplaşuvında Sergey Çurkinni tenbiyelediler: Rusiye Qırımnı qaytarmağa mecbur olacaq


Ukraina Rusiye tarafından işğal etilgen Qırımnı keri qaytarmaq niyetinde, dep bildirdi mayıs 28-de New Yorkta BMT havfsızlıq keñeşiniñ toplaşuvında BMT yanında Ukrainanıñ daimiy vekili Yuriy Sergeyev.

«Qırım — Ukrainanıñ qısmı ve bizler sizlernen beraber onıñ qaytarılmasınen bağlı meseleni al etecekmiz», – dedi Sergeyev.

Böyle etip Ukraina diplomatı Rusiye zenaatdaşı Vitaliy Çurkinniñ qabaatlavlarına cevap berdi. Çurkin dedi ki, Kiyev Ukrainanıñ cenüp-şarq regionlarında «yañlış» siyaset alıp bara. Rusiye vekilini Qırım işğalinden soñ yarımadağa Dnepr suv berilmesiniñ sıñırlavları açuvlandıra eken.

Çurkin dedi ki, Kiyev Rusiyege muzakereler şartlarını seslendirmeycek.

«Sizler doğru qarar alsañız, Rusiye sizge yardım etecek», – dep ayttı o.

Mayıs 28-de New Yorkta BMT havfsızlıq keñeşi Ukrainadaki vaziyet boyunca nevbetten tış toplaşuvını ötkerdi.
XS
SM
MD
LG