Frenkistan, Büyük Britaniya ve AQŞ BMT elçileri Rusiyeni Ukraina buhranı ile bağlı Jeneva añlaşmalarınıñ eda etmegeninde qabaatladılar. Bunı Jerar Aro, Mark Layal Grant ve Samanta Pauer BMT Havfsızlıq Şurasınıñ toplaşuvında ilân ettiler, dep bildire Radio Svoboda.
Britaniya elçisi Grant Ukraina şarqiy regionında silâlı insanlarnıñ miqdarı ep artqanını qayd etti ve Rusiyeni Donbass separatistlerine qol tutqanına qabaatladı.
Frenkistan elçisi Jerar Aro Harkov şeer başı Gennadiy Kerneske etilgen ücüm bölünmez Ukrainağa qarşılıq köstergen insanlarnıñ işi olaraq tanıy.
Amerikalı tеmsilcisi Samanta Pauer Rusiyeni Ukraina vatandaşlarınıñ ve Avropa havfsızlıq ve işbirlik teşkilâtınıñ memleket ekspertleriniñ azat etilüvine çağırdı.
BMT-da Ukraina elçisi Yuriy Sergiyev Rusiyeniñ Şarqiy Ukrainada etken areketlerini Abhaziyadaki stsenariyinen qıyasladı.
«Ukraina iç bir vaqıt Rusiyeni qorquzdırmay edi, em de bunı etmeycek. Ukrainliler barışıq ve tınçlıqta yaşamaq isteyler. Rusiye istilâcı olaraq Qırımnı basıp alğan soñ, Ukraina içki işlerine qarışmağa devam etkeni tsinizmdir», – dedi Sergiyev.
BMT Havfsızlıq Şurası endi tahminen eki ay devamında toqtamayıp Ukraina vaziyetini muzakere ete. Faqat iç bir qararnı qabul etip olamadı, çünki Rusiyede veto aqqı bar ve o onı qullana.
Britaniya elçisi Grant Ukraina şarqiy regionında silâlı insanlarnıñ miqdarı ep artqanını qayd etti ve Rusiyeni Donbass separatistlerine qol tutqanına qabaatladı.
Frenkistan elçisi Jerar Aro Harkov şeer başı Gennadiy Kerneske etilgen ücüm bölünmez Ukrainağa qarşılıq köstergen insanlarnıñ işi olaraq tanıy.
Amerikalı tеmsilcisi Samanta Pauer Rusiyeni Ukraina vatandaşlarınıñ ve Avropa havfsızlıq ve işbirlik teşkilâtınıñ memleket ekspertleriniñ azat etilüvine çağırdı.
BMT-da Ukraina elçisi Yuriy Sergiyev Rusiyeniñ Şarqiy Ukrainada etken areketlerini Abhaziyadaki stsenariyinen qıyasladı.
«Ukraina iç bir vaqıt Rusiyeni qorquzdırmay edi, em de bunı etmeycek. Ukrainliler barışıq ve tınçlıqta yaşamaq isteyler. Rusiye istilâcı olaraq Qırımnı basıp alğan soñ, Ukraina içki işlerine qarışmağa devam etkeni tsinizmdir», – dedi Sergiyev.
BMT Havfsızlıq Şurası endi tahminen eki ay devamında toqtamayıp Ukraina vaziyetini muzakere ete. Faqat iç bir qararnı qabul etip olamadı, çünki Rusiyede veto aqqı bar ve o onı qullana.
