Ukrayinada Rusiye istilâsı sebebinden 2024 senesi iyünniñ 1-nden avgustnıñ 31-ne qadar 589 vatandaş öldürildi, daa 2685 insan yaralandı – qurbanlarnıñ sayısı evelki üç ayğa köre 45% ziyade edi. Bu aqta BM İnsan aqları komitetiniñ esabatında qayd etile.
Teşkilâtnıñ malümatına köre, 2024 senesi iyül ayı 2022 senesi oktâbr ayından soñ eñ çoq ölüm olğan ay oldı.
«İyül ayında vatandaşlar arasında büyük sayıda qurban olmasınıñ esas sebebi iyülniñ 8-nde Rusiye Federatsiyası tarafından bütün Ukrayina nişanlarına atılğan raketalarnıñ keñ ölçüli koordinatsiyalı ücümi oldı. Rusiye Silâlı Quvetleriniñ Donetsk vilâyeti üzerinde nezaretni yerleştirmek içün ğayretleriniñ şiddetlenmesi de çoq sayıda vatandaşnıñ qurbanlarına ketirdi», – dep aytıla esabatta.
Teşkilât qayd etkenine köre, Rusiye Silâlı quvetleri Ukrayinada eali içün kritik olğan, energetik infrastrukturağa ücümlerini devam ettirdi.
İyünniñ 1-nden avgustnıñ 31-ne qadar Rusiye ordusı eñ az dört büyük ücüm dalğasını yaptı, er biri onlarnen raketa ve silâdan ibaret edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
