Link açıqlığı

Saatnıñ esas haberi

BM Baş Assambleyası Rusiyeni ordusını Ukrayınadan çıqarmasına çağırğan qararğa rey berdi


Nümüneviy fotoresim
Nümüneviy fotoresim

BM Baş assambleyası «Ukrayınada umumiy, adaletli ve qaviy bir barışıqqa ıntıluv temelinde olğan Birleşken Milletlerniñ Nizamname esasları» qararına rey berdi. Rey berüv fevralniñ 23-nde oldı.

141 memleket qoltuttı, 7 memleket (Rusiye, Beyazrusiye, Suriye, Koreya Halq-Demokratik Cumhuriyeti, Eritreya, Nikaragua ve Mali) qarşı çıqtı, 32 memleket bitaraf qaldı.

Bu qararnı Ukrayına teklif etti. Anda Rusiyeni uruş areketlerini toqtatıp ordusını çıqarmasına çağıralar ve Ukrayına lideri Volodımır Zelenskıy teklif etken barışıq formulasınıñ esaslarını pekiteler.

BM, Minskniñ muzakere çağıruvları ve Kyivge silâ berüv yasağından ibaret tüzetüvlerni red etti.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Ukrayına insan aqları komissarı Dmıtro Lubinets vesiqanı izaatlap, memlekette telükesizlik ceetinden müim bir adım ve Ukrayına topraq bütünligine qoltutuv oldı, dep yazdı.

BM Baş Assambleyasında Rusiyeniñ Telükesizlik Şurasında olğanı kibi vetosı yoq. Qabul etilgen qararlar halqara uquqqa köre mecburiy degildir.

Moskva qararnı izaatlamağan edi.

Bıltır fevralniñ 24-nde Rusiye bütün sıñırda ve Beyazrusiyeden Ukrayınağa tam istilâ başlattı. Ukrayına Silâlı quvetleriniñ Baş ştabı malümatına köre, Rusiye bu vaqıt devamında Ukrayınağa aman-aman beş biñ raketa attı.

BM eñ az 8006 vatandaşnıñ ölümini qayd etti – daa 13 287 kişi soñki 12 ayda yaralandı. Teşkilât kerçek raqamlar daa yüksek, dep qayd ete.

Kreml istilânı inkâr etip, yapqanlarını «mahsus arbiy operatsiya» dep adlandıra. Onıñ maqsadı olaraq ise «Ukrayınanıñ askeriylesizleştirilüvi ve denatsifikatsiyası» ola eken.

Ukrayına Silâlı quvetleriniñ vekili Yuriy İgnat Arbiy ava quvetleri fevralniñ 23-24-nde Rusiyeniñ provokatsiyalarını bekley, dep ayttı. Onıñ bildirgenine köre, Ukrayına arbiyleri quvetleştirilgen nevbetçilik tuta.

Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanovnıñ fikirince, Rusiye fevralniñ 24-ne «büyük olmağan raketa darbesini» planlaştıra bile.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG