BM Ukrayına insan aqları monitoring missiyası Rusiye işğal etken Qırımda Rusiye ordusınıñ «itibardan tüşürilüvi» sebebinden 89 insannı taqip etkenini qayd etti, dep aytıla BM yañı maruzasında.
BM missiyası «Qırım Muhtar Cumhuriyetinde ve Aqyar şeerinde fikir bildirüv, birleşme ve barışıq toplaşuvlarnıñ vaziyeti fenalaşqanını» qayd etti.
«Rusiye sıñırlağan, tam olmağan ve tam şekillendirilmegen qanunlar vastasınen fikir bildirüv serbestligini bastırmağa devam ete, Rusiye ya da silâlı quvetleriniñ faktik ya da tahminiy tenqidi içün ceza bere», – dep aytıla BM missiyasınıñ maruzasında.
Daa evel berilgen malümatqa köre, Qırım ve Aqyarda Rusiyeniñ Ukrayınağa qarşı istilâsına qarşı çıqqanlar taqip etile.
«OVD-info» Rusiye aq qorçalayıcı leyhası avgustnıñ soñunda 107-den çoq qırımlı Rusiye ordusını «itibardan tüşürüv» idariy davalarınıñ mabüsi oldı, 11 Qırım ve Aqyar sakini «cenkke qarşı davalar» boyunca apiske alına bile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
