Link açıqlığı

Saatnıñ esas haberi

BM baş kâtibi Qırımda insan aqları bozuluvlarına dair üçünci maruzanı derc etti


BM baş kâtibi António Guterres
BM baş kâtibi António Guterres

BM baş kâtibi António Guterres Qırım Muhtar Cumhuriyeti ve Aqyarda insan aqlarınıñ vaziyetine dair üçünci maruzasını derc etti.

BM Ukraina Monitoring missiyası bildirgenine köre, maruza 2019 senesi iyülniñ 1-nden 2020 senesi iyünniñ 30-na qadar müddetni qavrap ala.

Maruzada berilgen malümat:

  • Qırımda Rusiye FSBsi ve diger uquq qoruyıcı organları tarafından işkence ve sert yanaşuv, qabaatlılar mesüliyetke çekilmey;
  • 43 insannıñ hırsızlanması ile alâqası olğan qabaatlı şahıslar cezasız qala;
  • cinaiy davalarda qabaatlanğanlarğa kösterilgen bedava uquqiy yardım semereli degil;
  • azatlıqtan marum etüv yerlerinde tutuv şaraitleri uyğun degil ve tibbiy yardım sıñırlana;
  • jurnalistlerniñ zenaat işine kirişüv;
  • yerli akimiyet organlarınıñ Qırımda barışıq toplaşuv keçirmek aqqında kirişüv;
  • qırımtatarlarnıñ şahsiy evleri ivazsız yıqıla;
  • zornen avuştıruv ve Qırımdan sürgün etüv, vatandaşlar Rusiyeden Qırımğa avuştırıla.

António Guterresniñ Qırım ve Aqyardaki insan aqları vaziyetine dair evelki maruzası bu yıl iyül ayında derc etilgen edi.

BM misssiyası, Rusiye akimiyeti mabüslerni Qırımdan Rusiyege alıp ketmege devam ete, dep bildirgen edi.

İyülniñ başında BM insan aqları Yuqarı komissarı Michelle Bachelet Qırımdaki insan aqları vaziyetine dair maruzanı taqdim etip, yarımadada işkence qullanıla ve söz serbestligi sıñırlanıla, dep bildirdi.

Rusiye Tış işler naziri Sergey Lavrov işğal etilgen Qırımda insan aqlarınıñ bozuluvı aqqında laflar uydurıla, dep bildirgen edi.

2014 senesiniñ Rusiyeniñ Qırım işğalinden soñ mustaqil jurnalist, vatandaş faali, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.

XS
SM
MD
LG