Rusiyeniñ Ukrayinağa qarşı kütleviy ücümlerinden soñ ABD Devlet kâtibi Entoni Blinken, bu "deşetli taktika" Ukrayina ve onıñ ortaqlarınıñ qaytiligini bozmaz, dep bildirdi.
"Rusiyeniñ bugün kene raketalarnı uçurtır eken Ukrayinada millionlarca adam sığınaqlarda edi. İnfraterkipke devamlı ücümler Ukrayinanıñ silâsız ealisini suvuq ve qaranlıqta qaldırmaq maqsadını taşıy. Bu deşetli taktika Ukrayina ve onıñ ortaqlarınıñ qaytiligini bozmaz ", - dedi Blinken.
Noyabrniñ 23-nde Rusiye Kyiv ve diger Ukrayına şeerlerine qarşı kene raketalarnen ücüm etti.
Moskva bir sıra delil olğanına baqmadan, vatandaşlarğa qarşı ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
