Link açıqlığı

Saatnıñ esas haberi

«Bizler – Qırım birdemligimiz»: tutulğan qırımlılarğa qoltutuv fleşmobı (fotoresimler)

Aqmescitte Rusiye kontrolindeki Kiyev rayon mahkemesiniñ binası ögünde tutulğan qırımtatar faallerine qoltutmağa kelgen insanlar toplaştı. Bu aqta «Qırım birdemligi» cemaat birleşmesi bildire.

Qırımlılarnıñ balaları ve ömür arqadaşları qollarında «Bizler – Qırım birdemligimiz» ve «166 balağa babasını qaytarıñız» yazuvlı şiarlarını tuttı.

Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Rusiye FSBsi Qırımda tintüvler keçirilgenini tasdıqladı.

Aqmescitniñ Bavurçı qasabasında keçirilgen tintüv vaqtında semetdeşlerine qoltutmağa kelgenlerden eki kişi Eskender Mamutov ve Emil Ziyadinov da tutuldı. Aqmescit mahkemesi Ziyadinovğa «politsiyağa qarşı çıqqanı içün» 500 ruble para cezasını berdi. Mamutov ise 5 künge apiske alındı.

Remzi Bekirov, Riza İzetov, Ruslan Suleymanov, Farid Bazarov ve Şaban Umerov Rusiye Ceza kodeksiniñ 205.5 maddesiniñ 1-inci qısmına (terror gruppasınıñ faaliyetini teşkil etüv) istinaden qabaatlana. Qalğanları terror teşkilâtınıñ faaliyetinde (Rusiye Ceza kodeksiniñ 205.5 maddesiniñ 2-nci qısmı) iştirak etkeninden şübheli sayıla.

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne.

Tafsilâtlıca – Qırım.Aqiqatnıñ fotoresimlerinde. (Foto: Qırım birdemligi)


Facebook Forum

XS
SM
MD
LG