Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov "Liga" neşrine intervyü berirken, Ukrayina işğal etilgen Qırımnı "qarışıq yol"nen keri qaytaracağını bildirdi.
"Qırım qarışıq şekilde qaytarılacaq: em küç, em diplomatiya yolunen. Amma küçsiz iç bir şey olmaz. Bizim bölüklerimiz anda silânen kirecekler", - dedi o.
Baş istihbarat idaresiniñ yolbaşçısı, Kıyiv bütün ğayıp etilgen topraqlarını keri qaytartacağını dedi.
"Ukrayina 1991 senesi sıñırlarında tanılğan memlekettir. Bunen razı olmağanlar Ekinci dünya cenkiniñ bitmesinden soñ mevcut olğan dünya nizamı ve BMT-nıñ yañı temellerinen razı degil", - dep qayd etti Budanov.
2023 senesi yazında deñizge qayda ketmek sualine, Budanov "Qırımğa. Bu Ukrayinanıñ incisidir. Ve o çoqtan berli ukrayin turistlerini bekley" dedi.
Oktâbrniñ 1-nde Kırılo Budanov, Ukrayina Silâlı quvetleri Qırımğa 2023 senesiniñ baariniñ soñunace kirecegini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
