Link açıqlığı

Biz Rusiye cemaatçılığını mobilizatsıya ete bilemiz – Putinıñ spikerı


Rusiyeniñ idaresi «eger Rusiyeni bir kimse çaresiz qaldıracaq olsa, bir bütün cemiyetni mobilizatsıya» ete bile.

Bu aqta Rusiye prezidentnıñ spikeri Dmitriy Peskov bildirdi. Ondan da ğayrı, Peskov AQŞ tarafından bildirilgen eger Moskva Jenevadaki añlaşmalarğa uymasa santktsıyalarnı sertleşecegi aqqında malümatqa izaat bergende «iç qabul etilmeycek qorqutmalar» dep bildirdi.

Putinnıñ temsilcisi Ukrainanıñ sıñırı yanında Rusiye ordusı olğanı aqqında tasdiq etti. Onıñ sözlerine köre, olarnıñ bir parçası anda «daimiy şekilde» bulunacaq.

Ondan da ğayrı, Peskov Ukraina sıñırları boyu rayonında da qoşma ordu qısımlarını olğanını ayttı, amma onıñ bildirgenine köre bular «Ukrainada olğan vaqıyalar fonında bu qoşumça küç».

Keçken afta NATOnıñ baş sekretari Anders Fog Rasmussen «Suvuq cenkten soñ bir devlet başqa devletniñ parçasını cenk qorquzmanen işğal etilmesini birinci kere köremiz», – dep ayttı. Onıñ malümatlarına köre, şimdi «Ukrainanıñ sıñırında tahminen 40 biñ rusiye askerleri yerleşken». «Em de bu oquvlar degil, olar cenkke azır», – qayd etti Rasmussen.

Jenevadaki añlaşmalarına köre, Ukrainada qanunsız zapt etilgen idare binaları azat etilmek kerek. Vesiqada da qanunsız silâlı olğan küçler silâsızlandırmaq kerek. Bu iş OBSE nezaretinde keçirilecegi aqqında aytıla.
XS
SM
MD
LG