Ukrayina devlet başı Volodımır Zelenskıy Çin lideri Si Tszinpinni Ukrayinağa davet etken. Bunı o Associated Presske intervyü berir eken bildirdi.
"Biz onı mında körmek azırmız. Men onen laf etmek isteyim. Men daa büyük cenk başlamazdan evel onen laf etken edim. Amma bir yıldan ziyade iç laf etmedik", - dedi devlet başı.
Çin prezidenti Si Tszinpin martnıñ 22-23 Rusiyeni ziyaret etti ve Rusiye ükümetiniñ temsilcileri ile resmiy körüşüvler keçirdi.
Amerika Cen araştırma merkezi, Rusiye prezidenti aytışmalardan beklegenini alamağanını bildire.
Ğarp mediası Si Tszinpinniñ Moskva ziyareti azırlıqları çerçivensinde Çin lideriniñ Putin ile körüşken soñ Ukrayina prezidenti ile laf etmek niyetinde olğanı aqqında yazğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
