Prezident Volodımır Zelenskıy qayd etti ki, bu qış adamlarnı elektrik ve sıcaqlıq ile temin etmek içün akimiyet er şeyni yapacaq.
"Biz bu qış adamlarnı ektrik ve sıcaqlıq ile temin etmek içün er şeyni yaparmız. Rusiye normal yaşayışımıznıñ yoq etilmesi içün elinden kelgenini yapacağını añlamamız kerek. Energetik terrorınıñ masraflarını köz ögüne almaylar bile. Dünki Rusiye ücüminiñ fiyatına baqsaq, qullanılğan dron ve raketalarnıñ fiyatı 2 million 300 biñden çoq ortalama rusiye pensiyasınıñ maaşına kele. Ve bu tek bir darbe", - dedi devlet başı.
Onıñ sözlerine köre, Ukrayinada bütün istimalcılar içün suv kene bar, ekseriyet içün elektrik de.
"Ukrayinanıñ 9 bölgesinde stabilleştirici elektrik kesüvler devam ete. Energetikler ve yerli akimiyet elektrik kesüvleriniñ vaqtını qısqartmaq içün elinden kelgenini yapalar", – dedi Zelenskıy
Oktâbrniñ 21-nde Rusiye Ukrayinağa qarşı kütleviy ücümni kerçekleştirdi, neticede kene de kritik infraterkip obyektleri zarar kördi, hususan energetik obyektler.
Ukrayina baş naziri Denis Şmıgalniñ malümatına köre, Rusiye kerçekleştirgen drabelerden sebep 18 obyektr zarar körgen, ekseriyeti Ukrayinanıñ 10 bölgesindeki energetik obyektler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
