Keçken yıl olğan kütleviy öldürüv yerli sakinlerge tesir etti, olar bu mevzunı muzakere etmekten alâ daa saqına, dep aytıp berdi Qırım.Aqiqat Radiosı efirinde Keriç jurnalisti, Qırım uquq qoruyıcı gruppasınıñ azası Yelena Lısenko.
"Adamlar susqun oldı, suallerge azca cevap bere. Vaqia yerinde olğanlar, tuvğanları deyerli bir şey tarif etmey, aytmay. Şeer küçük, çoqusı biri-birini bile ve kimerde tanışlarınıñ birevi elâk olğanını bilgen adamlar, bunıñ aqqında mıqayt olıp soraştırmağa tırışa edi, amma facia şaatlarıve soyları lafqa qoşulmay edi. Bu, büyük ihtimal ile, olarnen rusiye mahsus hızmetleri bir iş alıp barğanını köstere, adamlar facianıñ tafsilâtını aytmasın dep. Olar bunıñ aqqında soramaqtan bile qorqa", - dep bölüşti Lısenko.
O, "bu faciağa bağlı nasıldır qorqu müiti" bar, dep ayttı.
"Belki bir vaqıtları kerçek açılır, bir adam o qadar halqnı nasıl öldürip olğanını bilirmiz", - dep qoştı Lısenko.
Cumaaqşamı künü, oktâbr 17-sinde Keriç politehnika kolleciniñ faciasınıñ yıldönüminde Keriçte matem künü ilân eildi.
Oktâbrniñ 17-nde, Keriç politehnik köllecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
«В нашей памяти светлый ваш образ»: в Керчи почтили память погибших (фотогалерея)
