ZMINA İnsan aqları merkezi, yıl içinde işğal etilgen Qırımda jurnalistlerge ve blogerlerge qarşı 98 ücüm ve tehdit faktını qayd etilgenini bildirdi.
Keçken yıl ZMINA 8 bedeniy ücüm, şu cümleden jurnalistlerge qarşı eki qaçırma ve iskence, yaqalav vaqtında üç ücüm, bir cezalandırıcı psihiatrik faktını qayd etti.
İnsan aqları merkeziniñ yolbaşçısı Tetâna Peçonçik, 2022 senesi içinde işğal etilgen Qırımda 13 jurnalist faaliyetine mania alı qayd etilgenini bildirdi. Onıñ sözlerine köre, olardan ekseriyeti mahkemelerniñ jurnalistlerniñ mahkeme esnaslarında iştirak etmesine izin bermegen, foto ve video çekme muracaatldarını ve mahkeme oturışlarında jurnalistlerniñ bulunmasını red etken eylemleridir.
Uquq qoruyıcılar qayd eteler ki, Rusiye akimiyetiniñ temsilcileri Qırımda esas telüke menbası olaraq qala. Jurnalistlerge ve blogerlerge qarşı eñ çoq darqalğan ücüm usulları ise yaqalavlar, tevqifler, cöremelerdir.
Ukrayina Yuqarı Radasınıñ insan aqları vekâletlisi Dmıtro Lubinetsniñ soñki malümatına köre, Rusiye qanunsız sürette 180 qırımlı siyasiy mabüsni apiserlerinde tuta, olardan 116-sı qırımtatardır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
