Link açıqlığı

AQŞ Arbiy-Deñiz quvetleriniñ «Donald Cook» gemisi cumaaqşamı, aprel 10 kününece Qara deñizge kirecektir. Bunı Pentagon menbaları bildirdi, dep haber ete «CNN».

Amerikalı arbiy müessiselerinden bu aqta malümat daa resmiy şekilde tasdıqlanılmadı.

İspaniyada yerleşken «Donald Cook» arbiy gemisi «Arleigh Burke» esminets sınıfına aittir. O ava mudaafa tertibatı ve «Tomagavk» raketaları ile donatılğan.

Evelleri AQŞ Qara deñizde «Truxtun» gemisiniñ yerleşüv müddeti uzanacağını ve anda qoşma resurslarnıñ yollanuvı aqqında ilân ettiler.

Rusiye çetel işler nazirliginde AQŞ tarafından «Montre konventsiyanıñ» bozuluvı aqqında aytıp keçken ediler. Pentagonnıñ resmiy temsilcisi Eileen Lainez cevap olaraq AQŞ Arbiy-deñiz quvetleriniñ Qara deñizde añlaşmalarğa binayen areket etkenini qayd etti.
XS
SM
MD
LG