Link açıqlığı

Saatnıñ esas haberi

Bir künde Qırımda 220 koronavirus hastası qayd etildi – Aksenov


Keçken künü Qırımda 220 koronavirus hastası qayd etildi, 62-siniñ hastalıq alâmetleri yoq, dep bildirdi Qırımnıñ Rusiye yolbaşçısı Sergey Aksenov.

«119-ı tibbiy yardım içün muracaat etkende qayd etildi, 100 hasta daa evel qayd etilgen hastalarnen alâqada oldı, 1 kişi çetelden keldi», – dep aytıla Facebooktaki haberde.

Derc etilgen malümatqa köre, keçken künü yañı koronavirus yuqunçı tedqiqlerini yapqan Qırım laboratoriyaları 4987 insannı teşkerdi. 7406 kişi tüzeldi.

Bu afta Rospotrebnadzor idaresi Qırımda COVID-19 hastalarınıñ sayısı artmay, dep bildirdi.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG