Bir künde Rusiyede koronavirus hastalarınıñ sayısı 57 regionda 1786-ğa artıp, 11 917 insan oldı (+17,6%), dep bildire federal operativ ştabı, dep haber ete «Nastoyaşçeye Vremâ».
Moskvada bir künde 1124 yañı hasta, umumen ise 7822 hasta qayd etildi.
Keçken künü 97 insan tüzelip hastahaneden çıqarıldı, 37-si – Moskvada. Rusiyede 795 hasta hastahaneden çıqarıldı.
Bir künde 18 koronavirus hastası can berdi, 12-si – Moskvada. Rusiyede 94 kişi koronavirustan vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
