Keçken künü Qırımda altı insan koronavirustan vefat etti, pandemiya vaqtında 1364 kişi keçindi, dep haber ete iyünniñ 2-nde Qırımnıñ Rusiye Sağlıq nazirligi.
«247 insan (COVID) ambulator tedaviylevde buluna, 1576 (COVID ve pnevmoniya) hastahanelerde buluna. Umumen 43677 COVID-19 hastası qayd etildi. Yahşı olğan 40678 insan tüzeldi», – dep aytıla haberde.
Qırımda iyünniñ 1-nde 99 yañı koronavirus hastası qayd etildi.
Qırımda koronavirus yuqunçı ile küreş brifinginde Qırımnıñ sağlıq naziri Aleksandr Ostapenko COVID-19 ağır hastalarınıñ sayısı arta, dep bildirdi.
Brifingde yerli Rospotrebnadzor idaresiniñ vekili Dmitriy Krutikov Qırımnıñ dört regionında koronavirus hastalarınıñ sayısı arta, dep bildirdi.
Keçken afta Qırımda koronavirus pandemiyası sebebinden eglence merkezleri, teatr ve kinoteatrlerde kirsetilgen sıñırlavlar iyülniñ 1-ne qadar uzatıldı.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
