Tünevin Qırımda sekiz adam koronavirustan öldi, dep bildirdi Qırımnıñ Rusiye sağlıq saqlav nazirligi.
Berilgen malümatına köre, umumen pandemiya vaqtında Qırımda bu hastalıqtan 385 adam vefat etti.
"2849 insan (covid) ambulator tedaviylevde, ve 3015 hastahanelerde (kovid ile pnevmoniya), 42 kişi observatorlarda buluna. Umumen 19 634 COVID-19 hastası qayd etildi. 14763 kişi hastahaneden çıqarıldı", – dep yazıla malümatta.
Keçken künü Qırımda 345 koronavirus hastası qayd etildi.
Saba Qırımnıñ Rusiye başı Sergey Aksönov, dekabrniñ 15-nde yarımadada koronavirus yuqunçından “kutleviy vaktsinatsiya başlana”, dep bildirdi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı
