Al-azırda siyasiy mabüs Krasnoyarsk ülkesiniñ Minusinsk apishanesinde tutula. Advokatnıñ aytqanına köre, memuriyet 2019 senesi SİZOda Adilov 12 künge kartserge alınğan edi, dep esaslana. Advokat apishane reberliginiñ bu areketleri qanunsız ola ve memuriyet qararını şikâyet etecek, dep tüşüne.
Sert şaraitler sebebinden Bilâl Adilovnıñ uzun körüşüvleri yılda 1 kere olacaq ve qısqa körüşüvler yılda 2 kere, yollamalarnıñ sayısı da eksildi. Evge yarım yılda bir kere telefon etip olur. Amma bu imkândan bile faydalanıp olamay – büyük nevbetten.
Siyasiy mabüsniñ advokatqa tarif etkenine köre, şikâyetleri ve arizaları uzun-uzun baqıla ya da «coyula». Lâkin advokatnıñ ziyaretinden soñ ilâc arizaları tez baqıldı – apishanede istegen buğum melemi ve ilâc bergenler.
«Bu apishane temiz, dep qayd etti. Kameralarnıñ pencereleri bar ve avalana. Amma müessiseniñ künü pek sert. Serbest vaqtı olğanda kitap oquy ve şiir yaza», – dep bildirdi advokat.
Bilâl Adilov – altı bala babası, din erbabı. Apiske alınmazdan evel bir qaç yıl devamında qırımtatar halqınıñ cemaat yaşayışında faal iştirak etti, mahkeme, tintüvlerge bardı, siyasiy mabüslerniñ qorantalarına yardım etti.
2022 senesi mayısnıñ 12-nde Rostov-na-Donudaki Cenübiy okrugınıñ arbiy mahkemesi qırımtatarlarnı «Hizb ut-Tahrir» teşkilâtına alâqası bar olğanında qabaatladı. Bilâl Adilov, Tofik Abdulgaziyev, Vladlen Abdulkadırov, İzzet Abdullayev ve Mecit Abdurahmanov umumen 62 yılğa azatlıqtan marum etildiler.
«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
