ABD prezidenti Joseph Biden Belarus ükümetine qarşı sanktsiyalarnı daa bir yılğa uzattırdı. Muvafıq qarar Beyaz evniñ saytında yayınlanğan.
"Belarus ükümetiniñ bazı azalarınıñ areketleri ve siyaseti, şu cümleden yaman niyetli faaliyeti ve Belarus rejiminiñ devamlı suistimalı ABD-niñ milliy telükesizligi ve tış siyaseti içün fevqulâde ve müstesna telüke yaratmağa devam ete", - dep yazıla yayınlanğan bildirmede.
Belarus rejimine qarşı sanktstiyalar 2006 senesi iyünniñ 16-nda prezident George Bush tarafından tayin etilgen edi. Buña sebep Belarus akimiyetiniñ 2006 senesi prezident saylavları vaqtında "Belarus demokratik esnasları ve institutlarını bozmağa yönetilgen" areketleri, insan aqlarınıñ bozulması, siyasiy basqılar ve devlet qabarcılığı oldı.
2021 senesi avgustnıñ 9-nda ABD 2020 senesiniñ avgust adiseleri, siyasiy muhalefet ve vatandaş cemiyeti teşkilâtlarınıñ lâğu etilmesi ve halqra ava naqliyatı telükesi içün sanktsiyalarnı kenişletti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
