Lübnannıñ paytahtı Beyrutta liman rayonında patlav oldı, dep haber ete Azatlıq Radiosı.
CNN Amerika telekanalınıñ Beyrut mühbiri, cenk zıddiyetlerini aydınlatqan çoq yıllıq tecribesinde bu qadar büyük bir patlav daa körmegen ve eşitmegen edi, dep bildirdi.
Berilgen malümatqa köre, bina ve maşinalar zarar kördi.
Beyrut videolarında körüne ki, qoyu qara tütün tarqala. Kökte ise bir ara sarı tuman köründi.
CNN mühbiri içtimaiy ağlarda peyda olğan tefsirlerni tasdıqlay. Patlav neticesinde pencereler bir qaç kilometr mesafede qırılğan edi. Jurnalistlerniñ bildirgenine köre, patlav «yer teprenüvi» kibi is etildi.
Reuters agentligi Lübnan sağlıq naziri Hamad Hasannıñ sözlerini bildire. O, yerli televideniye yayınında patlav çoq zarar ketirdi ve bir çoq insan yaralandı, dep ayttı.
