Azatlıq Radiosınıñ leyhası olğan Donbass.Realii Radiosı işğal altındaki Qırımda ve Beyazrusiyede Rusiye orduları toplaşqan bir qaç yerni qayd etti. Brestniñ cenübinde bir lager, Obuz-Lesna (Beyazrusiye) poligonı, Bağçasaraydaki arbiy baza ve Qırımdaki Anğara poligonı aqqında aytıla.
Episi Ukraina sıñırında ve işğal etilgen topraqlarında Rusiye arbiy bulunuvınıñ interaktiv haritasında qayd etildi.
Haritada 2021 senesi noyabr ayından berli ğarbiy media tarafından aydınlatılğan sıñırdaki Rusiye bölükleri ve soñki bir qaç yıl devamında Donbas.Realii Radiosı tarafından tapılğan işğal etilgen Donetsk ve Lugansk vilâyetlerinde talim ve silâ saqlav yerleri toplandı.
Harita aşağıdakilerge keçmege imkân bere:
- Saqlanğan tehnika ve silâ çeşitleri aqqında malümat olğan poligonlar aqqında maqaleler;
- Maxar Technologies şirketinden ğarbiy media alğan yoldaş çeküvleri;
- İnsanlar içtimaiy ağlarda derc etken tehnika areketleriniñ videoları.
Ukraina, ABD ve BM diger aza memleketleri Rusiye Ukraina sıñırları yaqınlarında, işğal etilgen Qırımda, Beyazrusiyede tahminen 130 biñ arbiyni tuta ve Donbasnıñ işğal etilgen topraqlarında arbiy bölükni arttıra, dep bildireler. Rusiye Ukrainağa tecavuz etüv niyetlerini ve tecavuz siyaseti qabaatlavlarını inkâr ete.
